Deltagarar: 13 museumsbibliotekarer
A. Møte på båten søndag 19.okt. kl. 17.00 - 20.00.
Randi Foss orienterte om måndagens program på Nationalmuseet, der vi skulle møta kl. 10.30. Vi vil bli møtt av Jytte Johansen som snakkar om Museologisk bibliotek , Lene Rold som viser Genreg (gjenstandsregistreringprogram) og Berit Elgaard som snakkar om biblioteket, organisering og oppgaver på Nationalmuseet.
Sak 1. Organisasjonsform for gruppa: Vi var einige om at vi ville fortsetja som ein interesseorganisasjon, slik det er nå. Ansvaret for møta går på omgang, alt etter kvar møta blir haldne.
Sak 2 . Hjemmeside Ei gruppa er satt ned for å arbeida med Museumsbibliotekarenes hjemmeside (adr. http://info.rbt.no/eksterne/musbib/): Randi Foss (Norsk Folkemuseum), Nancy Frank (Etnografisk museum) og Guri Velure (Maihaugen) i samarbeid med Tove Molvig i Riksbibliotektjenensten. Hjemmesida er alt oppretta , med Riksbibliotektjenesten som databasevert, men det er behov for revurdering og vidareutvikling.
Sak 3. Registreringssystem på musea Anne Marit Skattum (Norsk Jernbanemuseum Hamar) fortalte om valg av registreringsprogram for mange typar materiale, foto, bøker, gjenstandar m.m. Etter ein rundgang der dei vurderte aktuelle program som var tilgjengelege eller under utvikling, enda dei opp med Mikromarc, som biblioteket alt hadde tatt i bruk. Museet har laga kravspesifikasjonar med utgangspunkt i museumsverda sin feltkatalog, og i samarbeid med leverandøren Norsk systemutvikling vart dei forskjellige tilpassingane gjort. Museet har fått ein skreddarsydd løysing til registrering av gjenstandar og foto. Det er tanken å ta i bruk utlånsmodulen neste år, og dei har førebels 3 lisensar som har tilgang til registrering, søking og multimedia. Scanning av bilda har dei ikkje sett i gang enno. Det har vore mykje arbeid og framleis er det uavklara problem, men til nå har dei positive erfaringar. Vurderinga så langt er at det er funksjonelt med eit felles system, uavhengig av materialtype, og på sikt vil dei vurdera å ta det i bruk på ulike arkiv. Viktig å vita at registreringane kan eksporterast til andre program seinare. Kostnaden har vore ca. 100.000, og dei må betala for alle nye tilpassingar, då dette er spesialsydd program for ein institusjon. Eit slikt program vil også ha overføringsverdi for andre museer.
Sak 4. Museologisk bibliotek Saka er uavklara, etter høyringsrunden (1995/96) er det blitt stille. Vart diskutert om museumsbibliotekargruppa skulle ta initiativ i denne samanheng. I så fall bør det formulerast forslag til uttalelse som resten av gruppa kan ta standpunkt til, og bli einige om. Fleire aktuelle problemstillingar: n Er det behov for museologisk bibliotek i Norge ?(jfr. Erfaring i Danmark) n Kvar skal det i så fall lokaliserast ? n Skal det omfatta konserveringsteknisk litteratur ?
Sak 5. Spørrundersøkelsen Museumsledelsens syn på biblioteka har tatt mykje tid, eit avsluttande møte saman med Riksbibliotektjenesten skal haldast 29.oktober. Det er blitt ein rapport på ca. 40 s., og arbeidsgruppa har hatt kontakt med NMU om eventuell trykking av rapporten, for å gjera innhaldet kjent. Eit alternativ er at den kan koma ut i Riksbibliotektjenestens skriftserie. Uansett publiseringsform vil den bli sendt ut til alle som har svart på spørsmåla, og til alle museumsbibliotek. Ein omtale av rapporten vil også bli trykt både i Synopsis og Museumsnytt. Gruppa ser det som viktig at rapporten blir kjent i museumsmiljøet.
Neste møte er planlagt i Bergen, og aktuelle tema som kan takast opp er: - boka som gjenstand eller bibliotekmateriale - manuskript - arkiv eller bibliotekmateriale - registreringssystem for arkivmateriale - scanning av bilder - grått materiale - kven tar vare på kva innan museet ?
Ref. G. Velure